കണ്ണൂര്‍: കോഴിയെ പിടിക്കാനായി കൂട്ടില്‍ കയറിയ പെരുമ്പാമ്പ് കുടുങ്ങി കുടുങ്ങി. തളിപ്പറമ്പ് ബക്കളം സൗത്ത് ഇ കെ നായനാർ റോഡിലെ എം പി നാസറിന്‍റെ വീട്ടിലെ കോഴി കൂട്ടില്‍ നിന്നാണ് പെരുമ്പാമ്പിനെ പിടികൂടിയത്. കോഴിക്കൂട്ടില്‍ നിന്ന് ശബ്‍ദം കേട്ട് വീട്ടുകാര്‍ എത്തി നോകുമ്പോഴാണ് പെരുമ്പാമ്പ് കുടുങ്ങി കിടക്കുന്നത് കണ്ടത്. ഇതിനകം പാമ്പ് കോഴിയെ കൊന്നിരുന്നു.
വിവരം അറയിച്ചത് അനുസരിച്ച് മലബാർ അവയർനെസ് ആൻഡ് റെസ്ക്യു സെന്‍റര്‍ ഫോർ വൈൽഡ് ലൈഫ് പ്രവർത്തകൻ ഷാജി ബക്കളം എത്തിയാണ് പെരുമ്പാമ്പിനെ പിടികൂടിയത്. എട്ടടി നീളമാണ് പെരുമ്പാമ്പിന് ഉണ്ടായിരുന്നത്. ഇതിന് ശേഷം വനംവകുപ്പ് അധികൃതരുടെ നിർദേശപ്രകാരം പെരുമ്പാമ്പിന്‍റെ ആവാസവ്യവസ്ഥയിലേക്ക് തന്നെ വിട്ടയച്ചു.